Qoraqalpog‘istonning To‘rtko‘l tumanida valyuta oldi-sotdisi bilan shug‘ullanib kelgan fuqaro ushlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning To‘rtko‘l tuman bo‘limi tomonidan tezkor tadbir o‘tkazilgan. Unda To‘rtko‘l savdo kompleksi oldida valyuta qimmatliklarini noqonuniy muomalaga kiritish faoliyati bilan shug‘ullanib kelayotgan fuqaro X.K. boshqa bir fuqaro Y.ga 2 900 dollarni 32,2 million so‘mga sotgan vaqtida ashyoviy dalillar bilan ushlangan.
Holat yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Avvalroq Toshkent, Andijon va Qashqadaryo viloyatlarida noqonuniy valyuta ayirboshlash holatlariga chek qo‘yilgani, Xorazm va Qashqadaryoda jami 5,2 ming dollarni noqonuniy sotishga uringan valyutafurushlar ushlangani, Qashqadaryoda valyutafurush 2,5 ming dollarni sotayotganida qo‘lga tushgani to‘g‘risida xabar berilgandi.
Mavzuga doir:
Izoh (0)