Adliya vazirining tegishli buyrug‘i bilan Abdumannop Buriyev Farg‘ona viloyati Adliya boshqarmasi boshlig‘i lavozimiga tayinlandi. Bu haqda Adliya vazirligi xabar qildi.
Qayd etilishicha, Buriyev 1986-yilda Toshkent viloyati Bekobod shahrida tug‘ilgan. Ma’lumoti — oliy. 2010-yilda Jahon iqtisodiyoti va diplomatiya universitetini, 2016-yilda O‘zbekiston Respublikasi strategik tahlil va istiqbolni belgilash Oliy maktabini tamomlagan. Mutaxassisligi — huquqshunos.
U o‘z mehnat faoliyatini 2011-yilda Adliya vazirligi Yuridik shaxslarni davlat ro‘yxatidan o‘tkazish boshqarmasi 1-toifali ish yurituvchi kotibi lavozimidan boshlab, turli mas’ul lavozimlarda faoliyat yuritgan. Hozirga qadar Adliya vazirligi Tashkiliy-nazorat va strategik rejalashtirish boshqarmasi boshlig‘i bo‘lib ishlab kelayotgan edi.
Avvalroq To‘lqin Abdusattorov adliya vazirining o‘rinbosari lavozimiga tayinlangani, O‘zbekiston Adliya vazirligi tizimida yangi lavozim tayinlovlari amalga oshirilgani, O‘zbekiston adliya vaziriga yangi o‘rinbosar tayinlangani haqida xabar berilgan.
Izoh (0)