Qashqadaryoda valyutafurush 2,5 ming dollarni sotayotganida qo‘lga tushdi

Qashqadaryoning Dehqonobod tumanida 2,5 ming dollarni noqonuniy ravishda pullayotgan valyutafurush qo‘lga olindi. Bu haqda Bosh prokuratura huzuridagi departament xabar berdi.

Departamentning Dehqonobod tuman bo‘limi tomonidan valyuta qimmatliklarining noqonuniy muomalaga kiritilishining oldini olish yuzasidan o‘tkazilgan tezkor tadbirda fuqaro Sh.G. boshqa bir fuqaro J.ga jami 2 500 dollarni 28 million so‘mga sotgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.