“Benfika” hujumchi Darvin Nunyes transferi bo‘yicha “Liverpul” bilan kelishuvga erishganini ma’lum qildi.
22 yoshli futbolchining transferi mersisaydliklar uchun 75 million yevroga tushadi.
“Benfika” yana 25 million yevroni bonus sifatida olishi mumkin. Nunyes “Liverpul” bilan 2028-yilga qadar mo‘ljallangan shartnoma borasida kelishib olgan.
Avvalroq Mersisayd klubi urugvaylik hujumchi uchun rasmiy taklif jo‘natganligi xabar qilingandi. Unga “Barselona”, “Real Madrid” va “Manchester Yunayted” kabi klublardan qiziqish borligi aytilgandi.
Nunyes Portugaliya chempionatining 2021/22-yilgi mavsumida 26 ta gol urib, mavsumning eng yaxshi to‘purariga aylangandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!