“PSJ” va Maurisio Pochettino shartnomani bekor qilish borasida kelishib oldi, deya xabar qilmoqda The Athletic.
O‘tgan haftada mutaxassis 2021/22-yilgi mavsumni tahlil qilish uchun “PSJ” rahbariyati bilan uchrashgan. Suhbat davomida tomonlar o‘zaro kelishuvga ko‘ra shartnomani bekor qilish to‘xtamiga kelgan. Murabbiy ham, parijliklar rahbariyati ham bu eng to‘g‘ri qaror degan xulosaga kelgan.
Avvalroq “PSJ” Pochettinoni iste’foga chiqargan taqdirda mutaxassis va uning shtabiga 20 million yevro miqdorida kompensatsiya to‘lab berishi aytilgandi.
Argentinalikning “PSJ” bilan amaldagi shartnomasi 2023-yilning yoziga qadar mo‘ljallangan.
Bir necha kun avval Zinedin Zidan “PSJ”ga bosh murabbiy bo‘lishi, tomonlar bu borada kelishuvga erishgani xabar qilingandi.
Izoh (0)