«Бенфика» ҳужумчи Дарвин Нуньес трансфери бўйича «Ливерпуль» билан келишувга эришганини маълум қилди.
22 ёшли футболчининг трансфери мерсисайдликлар учун 75 миллион еврога тушади.
«Бенфика» яна 25 миллион еврони бонус сифатида олиши мумкин. Нуньес «Ливерпуль» билан 2028 йилга қадар мўлжалланган шартнома борасида келишиб олган.
Аввалроқ Мерсисайд клуби уругвайлик ҳужумчи учун расмий таклиф жўнатганлиги хабар қилинганди. Унга «Барселона», «Реал Мадрид» ва «Манчестер Юнайтед» каби клублардан қизиқиш борлиги айтилганди.
Нуньес Португалия чемпионатининг 2021/22 йилги мавсумида 26 та гол уриб, мавсумнинг энг яхши тўпурарига айланганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)