Meizu kompaniyasi PANDAER x Elvis XOG Platinum Starship nomli naushniklarini taqdim etdi. Uning o‘ziga xosligi — futuristik tashqi ko‘rinishga ega ekanida. Yangi gadjet korpusi kosmik kemani yodga soladi va “raskladushka” mexanizmiga ega, deb xabar beradi Hi-Tech.Mail.ru.
- Titanli membranaga ega 12 millimetrli dinamiklar;
- Sig‘imi 400 mA/soatga teng batareya;
- Bir marta quvvatlanish orqali 5 soat ishlay oladi;
- Keys yordamida quvvatlanish orqali 20 soatgacha avtonomlik;
- 8 ta rejimdagi ekvalayzerni qo‘llab-quvvatlash.
Model “buklanuvchi” konstruksiyaga ega va faol shovqin so‘ndirish texnologiyasini qo‘llab-quvvatlamaydi. Keys noodatiy usulda quvvatlanadi: kompaniya USB-C portly quvvat-stansiyani yaratgan. Ular yo‘qolgan taqdirda naushniklarni sim orqali quvvatlantirsa bo‘ladi.
Hozirda sotuvga chiqqan mazkur naushniklarni 439 yuandan (65 dollar) xarid qilish mumkin.
Bundan oldin Poco kompaniyasi o‘zining birinchi “aqlli” soati va geymerlar uchun Buds Pro naushniklarini taqdim etgani, boshni qimirlatish orqali qo‘ng‘iroqlarni qabul qilish imkonini beradigan naushniklar yaratilgani to‘g‘risida xabar berilgandi.
Izoh (0)