LG kompaniyasi har biri noodatiy funksiyalar bilan ajralib turuvchi uchta naushnikni — FP5, FP8 va FP9 modellarini taqdim etdi, deb xabar beradi Hi-Tech.Mail.ru.

Foto: LG

Yangi LG Tone Free nomli naushniklarining shivirlash rejimida o‘ng naushnik mikrofonga aylanadi. Foydalanuvchi uni og‘ziga yaqin tutib, atrofdagilar eshitmaydigan darajadagi past ovozga shivirlashlari mumkin — suhbatdosh esa uning gaplarini bemalol tinglay oladi.

Lineykadagi uchta modelning barchasi shovqin so‘ndirish funksiyasi, uchta mikrofonga bo‘lgan va IPX4 standarti bo‘yicha namlikdan himoyalangan. Naushniklarning oyoqchalari LG’ning oldingi modellarinikidan 4,4 millimetrga qisqa. Ular yaxshilangan drayver va diafragmalarga ega bo‘lib, ishlab chiqaruvchining ta’kidlashicha, bu ko‘proq bas beradi. Shuningdek, atrof-muhit shovqini funksiyasi ham mavjud.

Foto: LG

Qiziqarli jihatlari: FP9 modelining keysi — simsiz uzatgich. Bu simsiz naushnikdan Bluetooth’ni qo‘llab-quvvatlamaydigan qurilmalar bilan ham foydalanish mumkinligini bildiradi. AUX’dagi USB-C kabel-o‘tkazgichi keysga o‘yin konsolidan tortib, samolyot bortidagi mediatizimigacha ulana oladi.

FP8 va FP9 naushniklari bakteriyalarni yakson qilishga qodir UF-texnologiyasi bilan jihozlanganda. Kompaniyadagilarning so‘zlariga ko‘ra, mazkur texnologiya dinamiklar to‘ridagi 99,9 foiz bakteriyalarni besh daqiqada o‘ldira oladi. Ushbu ikki model, shuningdek, FP5’ga qaraganda yaxshilangan avtonom vaqtiga ega: ular 10 soatgacha quvvatlantirishsiz, quvvatlantiruvchi g‘ilofi bilan esa 24 soatgacha ishlay oladi (FP5’da esa mos ravishda 8 va 22 soat). Shu bilan birga, FP8 modeli simsiz quvvatlanish funksiyasiga ega.

Naushniklar iyul oyida taqdim etilishi kutilmoqda. Hozircha narxlari e’lon qilinmagan.

Avvalroq McLaren kompaniyasi karbon korpusli simsiz naushniklarini taqdim etgan edi.