Huawei kompaniyasi Hi-Res Audio tizimiga ega eng arzon naushniklarni taqdim etdi, deb xabar beradi ITHome.
Simsiz naushniklar inson qulog‘iga moslashuvchi AEM texnologiyasi va 32 detsibelgacha shovqinni so‘ndirish imkoniyatiga ega. Ularga 10 millimetrli siljuvchan “katushka”ga ega dinamik drayverlar o‘rnatilgan.
Ishlab chiqaruvchining va’da qilishicha, naushnik va uning g‘ilofi bir marta quvvatlanish orqali 28 soatgacha ishlay oladi, shuningdek, tezkor quvvatlanish funksiyasi mavjud — 15 daqiqali quvvatlanish 4 soat musiqa tinglash imkonini beradi.
Yengil korpus — bitta garnitura og‘irligi 4,6 grammni tashkil etadi. Devays IPX4 darajasi bo‘yicha himoyalangan va Hi-Res Audio yuqori sifatli audio sertifikatiga ega. Huawei FreeBuds 5i’ni shu kabi opsiyaga ega bozordagi eng hamyonbop naushnik deb atagan.
Yangi model Xitoyda 18-iyundan sotuvga chiqadi.
Bundan oldin Poco kompaniyasi o‘zining birinchi “aqlli” soati va geymerlar uchun Buds Pro naushniklarini taqdim etgani, boshni qimirlatish orqali qo‘ng‘iroqlarni qabul qilish imkonini beradigan naushniklar yaratilgani to‘g‘risida xabar berilgandi.
Izoh (0)