Realme kompaniyasi orqa paneli “shaxmatli to‘r” bilan bezatilgan GT Neo 3T smartfonini taqdim etdi, deb xabar beradi GSMArena.
Yangi model Full HD+ sifat va 120 gertsli tasvir yangilanish chastotasini qo‘llab-quvvatlovchi, diagonali 6,62 dyuymga teng E4 avlod AMOLED displeyga ega bo‘lgan. Barmoq izi skaneri displey ostida, 16 megapikselli selfi kamerasi esa chap burchakdagi qirqimda joylashgan.
Asosiy kameralari uchta: 64 megapikselli asosiy, 8 megapikselli keng burchak va 2 megapikselli makro-kamera. Chaqnoq ikkitalik, yorug‘lik diodli. Smartfon suvdan himoyalanmagan, stereodinamiklari esa Dolby Atmos’ni qo‘llab-quvvatlaydi.
Apparat ichidan Snapdragon 870 protsessori, 8 gigabayt tezkor, 128/256 gigabayt ichki xotira o‘rin olgan. Smartfon bug‘li sovutish va 80 vattli tezkor quvvatlanish tizimiga ega bo‘lgan. sig‘imi 5000 mA/soatga teng akkumulyator 0 dan 80 foiz quvvatni 12 daqiqada oladi.
Realme GT Neo 3T’ning qora varianti xira yuzaga ega orqa panel, sariq va kulrang versiya — “shaxmatli dizayn”ga ega bo‘ladi. Smartfonning Yevropadagi rasmiy narxi:
- 8/128 gigabayt — 503 dollar;
- 8/256 gigabayt — 545 dollar.
Izoh (0)