Shimoliy Koreya yetakchisi Kim Chen In Rossiya prezidenti Vladimir Putinni Rossiya kuni bilan tabrikladi va Shimoliy Koreya xalqi nomidan Rossiya xalqini to‘liq qo‘llab-quvvatlashini bildirdi, deb xabar bermoqda Koreya markaziy telegraf agentligi hujjat nusxasiga tayanib.
“Sizning rahbarligingiz ostida Rossiya xalqi sinov va qiyinchiliklarni mardonavor yengib, biz har tomonlama qo‘llab-quvvatlaydigan mamlakat(Rossiya)ning qadr-qimmati, xavfsizligi va huquqlarini himoya qilish yo‘lida adolatli ishlarni amalga oshirishda ulkan muvaffaqiyatlarga erishmoqda”, —deyiladi telegrammada.
Uning qo‘shimcha qilishicha, KXDR hukumati “ko‘p yillik tarix, do‘stlik va yaxshi qo‘shnichilik an’analariga” ega bo‘lgan Koreya—Rossiya munosabatlarini qadrlaydi hamda ularni “yangi davr taqozosi va ikki mamlakat xalqlarining orzu-intilishlariga muvofiq ravishda kengaytirish va rivojlantirish” niyatida.
KXDR rahbari, shuningdek, Rossiya xalqiga farovonlik tiladi.
Rossiya kuni mamlakatda an’anaviy tarzda 12-iyun kuni nishonlanadi, bayram 1990-yilda Rossiya sovet federativ sotsialistik respublikasi davlat suvereniteti to‘g‘risidagi deklaratsiya qabul qilingan sanaga to‘g‘ri keladi.
Putin va Kim Chen In 2019-yilda Vladivostokda Shimoliy Koreya yetakchisi Rossiyaga zirhli poyezdda kelganida shaxsan uchrashgan edi. Davlat rahbarlarining muzokara mavzularidan biri Koreya yarim orolining yadroviy muammosi bo‘lgan.
Izoh (0)