Shols: “Ukrainadagi urushni to‘xtatishning o‘zi Rossiyaga qo‘llangan sanksiyalarni olib tashlash uchun yetarli bo‘lmaydi”

Germaniya kansleri Olaf Shols Rossiyaga nisbatan Ukrainadagi harbiy operatsiyalarni boshlaganidan keyin qo‘llangan sankiyalarni yechib tashlash uchun urushga barham berishning o‘zi kamlik qilishini ta’kidladi.

Sanksiyalarni bekor qilish uchun vaziyatni barqarorlashtirish talab etiladi, deya qayd etgan Shols.

“Rossiyaga qo‘llanilgan sanksiyalarni bir urinishda o‘t ochish tartibini to‘xtatish orqali bekor qilib bo‘lmaydi”, — degan Olaf Shols Serbiya prezidenti Aleksandr Vuchich bilan birga o‘tkazilgan matbuot anjumanida (Reuters iqtibosi).

“Muammoni hal etish uchun vaziyat me’yorga kelishi lozim”,— deydi Shols (“TASS” iqtibosi).

“Biz joriy qilgan sanksiyalar bu restriksiyalarning beshinchi paketi va boshqa mamlakatlarning ham taqiqlari, bu jangovar harakatlar to‘xtaganidan keyin bekor bo‘ladigan ish emas. Eng asosiy shart — vaziyatning o‘zgarishi, me’yorga kelishi, Rossiya Ukrainaga qanday tinch yashashni buyura olmasligini, Moskva va Kiyev Ukrainaning hududiy yaxlitligi hamda suvereniteti kafolatlanishi borasida kelishuv tuzish uchun muloqot qilishi kerakligini tushunishi zarur”,— deya ta’kidlagan Germaniya kansleri (RT iqtibosi).

“Kansler Shols aniq va tushunarli qilib Serbiya respublikasidan Yevroittifoq hamda boshqa mamlakatlar Rossiyaga qarshi qo‘llagan sanksiyalar, boshqa choralarga qo‘shilishni so‘radi”,— degan u (“TASS”).

“Biz kelgusi qishda nimalar bo‘lishi haqida suhbatlashdik, hozir duch kelayotgan qiyinchilik va muammolar haqida kansler Sholsga gapirib berdim”,— deydi Aleksandr Vuchich.

U Olaf Sholsning inqirozni hal etish borasida yordam va’da qilganini ta’kidlagan. Shols Serbiya Yevropa ittifoqiga kirishga intilayotganini inobatga olgan holda mamlakatning boshqa a’zolar kabi sanksiyalarni qo‘llab-quvvatlashi juda muhim ekanligini bildirgan.