10-iyun kuni O‘zbekiston davlat konservatoriyasi tashkil topganining 85 yilligiga bag‘ishlangan Open Air konsert dasturi bo‘lib o‘tadi. Bu haqda IIV YHXB axborot xizmati xabar berdi.
Ushbu tadbir munosabati bilan Olmazor—Islom Karimov ko‘chalari chorrahasidan Olmazor—Navoiy ko‘chalari chorrahasigacha bo‘lgan avtomobil yo‘lining bir qismi avtotransport vositalari harakati uchun soat 18:30 dan 23:00 ga qadar yopiladi.
“Keltirilgan noqulayliklar uchun uzr so‘raymiz va aylanma yo‘llardan harakatlanishingizni tavsiya qilamiz”, — deyiladi idora xabarida.
Eslatib o‘tamiz, 5-iyun kuni Toshkentning Mirobod tumanida “Mirobod yoshlar marafoni” o‘tkazilishi sabab qator ko‘chalar vaqtincha yopilgandi.
Izoh (0)