“Biz shakar miqdori yuqori bo‘lgan barcha mahsulotlarni ishlab chiqarishni to‘xtatdik, chunki shakar yo‘q. Shakar yetishmovchiligi sabab Chimkentdagi zavodimiz hozir ishlamayapti. Biz bu zavodni iyulgacha yopdik. Iyul oyida shakar yetkazib berish tiklanishi kutilmoqda va o‘shanda biz yana ishlashni davom ettiramiz” — deydi “Lotte Raxat” kompaniyasi boshqaruvi raisi Konstantin Fedorets Olmaotadagi zavodning 80 yilligiga bag‘ishlangan matbuot anjumanida. Bu haqda Forbes Kazakhstan nashri ma’lum qilgan.
Fedoretsning so‘zlariga ko‘ra, ayni paytda zavod karamelli “Barbaris” va iris konfetlari ishlab chiqarmaydi: bu mahsulotlarga talab yuqori bo‘lsa-da, ularning tarkibida shakar katta ulushni egallaydi
“Hozir kompaniya mahalliy ishlab chiqaruvchilarda mavjud bo‘lgan barcha shakarni sotib olmoqda, ammo bu yetarli emas: biz mamnunlik bilan shakarni faqat Qozog‘iston bozoridan sotib olardik, ammo mahalliy shakar ishlab chiqaruvchilar Qozog‘iston bozori ehtiyojlarining atigi 30 foizini qoplaydi — bu esa juda oz” — deya qo‘shimcha qilgan Konstantin Fedorets.
Unga so‘zlariga ko‘ra, Yevrosiyo iqtisodiy ittifoqiga a’zo bo‘lmagan davlatlardan shakar importi aksiz solig‘iga tortiladi va har bir tonna 35 foizga qimmatlashadi. Uning ta’kidlashicha, Qozog‘iston ko‘p yillar davomida bojsiz rus shakariga “o‘tirib qolgan” va qo‘shnilar eksportni yopganida, shakar sotib oladigan davlat qolmagan.
Eksportning kompaniya daromadidagi ulushi 22 %ni tashkil qiladi va bu Rossiya (jami eksportning 62%), Qirg‘iziston (15%), O‘zbekiston (14%) hisobiga o‘sib bormoqda. “Raxat” rahbarining so‘zlariga ko‘ra, bu yil Rossiyaga shakar yetkazib berish hajmi eng yuqori darajaga chiqqan. Lekin, eng muhimi, kompaniya endilikda Xitoyga ham shakar yetkazib berish boshlanishini kutmoqda.
Izoh (0)