Fransiya Odessa portini ochish bo‘yicha o‘z xizmatlarini taklif qilishga tayyor, shunda kemalar u yerga xavfsiz jo‘natiladi. Bu haqda Yelisey saroyi ma’lum qildi. Oldinroq Turkiya ham bu borada o‘z yordamini taklif qilgan edi.
Fransiya Odessa portini blokdan chiqarish bo‘yicha operatsiyada ishtirok etishga tayyor, deya xabar bermoqda BFM telekanali Yelisey saroyi xabariga tayanib.
“Biz Odessa portiga to‘liq xavfsiz kirishni tiklash bo‘yicha operatsiyani tashkil etish, uning atrofidagi dengiz hududi minalangan bo‘lishiga qaramay, u yerga kemalarni jo‘natish uchun barcha tomonlarga xizmatlarimizni taklif qilishga tayyormiz” deya bayonot bergan fransuz hukumati.
Avvalroq Turkiya ham Ukraina portlarini minalardan tozalash bo‘yicha o‘z yordamini taklif qilgandi, bu haqda Rossiya tashqi ishlar vaziri Sergey Lavrov ma’lum qilgan.
Eng yirik bug‘doy yetishtiruvchilardan biri bo‘lgan Ukrainada Rossiyaning “maxsus operatsiya”si boshlanganidan so‘ng, kemalar olib chiqa olmaydigan portlarda don yig‘ilib qolgan. Kiyev Moskvani portlarni to‘sib qo‘yganlikda ayblaydi, BMT esa Rossiyani kemalarning erkin o‘tishini ta’minlashga chaqirdi.
Mavzuga doir:
- Turkiya: Ukraina donini eksport qilish bo‘yicha qarorlar “yaqin kunlarda” e’lon qilinadi
- Rossiya, Turkiya va Ukraina BMT ko‘magida Ukraina portlaridagi donni olib chiqish rejasini tuzdi
- Ukraina faqatgina Qora dengiz qurshovini tugatish bilan global oziq-ovqat inqirozining oldini olish mumkinligi haqida ogohlantirmoqda
Izoh (0)