«Биз шакар миқдори юқори бўлган барча маҳсулотларни ишлаб чиқаришни тўхтатдик, чунки шакар йўқ. Шакар етишмовчилиги сабаб Чимкентдаги заводимиз ҳозир ишламаяпти. Биз бу заводни июлгача ёпдик. Июль ойида шакар етказиб бериш тикланиши кутилмоқда ва ўшанда биз яна ишлашни давом эттирамиз» — дейди «Lotte Рахат» компанияси бошқаруви раиси Константин Федорец Олмаотадаги заводнинг 80 йиллигига бағишланган матбуот анжуманида. Бу ҳақда Forbes Kazakhstan нашри маълум қилган.
Федорецнинг сўзларига кўра, айни пайтда завод карамелли «Барбарис» ва ирис конфетлари ишлаб чиқармайди: бу маҳсулотларга талаб юқори бўлса-да, уларнинг таркибида шакар катта улушни эгаллайди
«Ҳозир компания маҳаллий ишлаб чиқарувчиларда мавжуд бўлган барча шакарни сотиб олмоқда, аммо бу етарли эмас: биз мамнунлик билан шакарни фақат Қозоғистон бозоридан сотиб олардик, аммо маҳаллий шакар ишлаб чиқарувчилар Қозоғистон бозори эҳтиёжларининг атиги 30 фоизини қоплайди — бу эса жуда оз» — дея қўшимча қилган Константин Федорец.
Унга сўзларига кўра, Евросиё иқтисодий иттифоқига аъзо бўлмаган давлатлардан шакар импорти акциз солиғига тортилади ва ҳар бир тонна 35 фоизга қимматлашади. Унинг таъкидлашича, Қозоғистон кўп йиллар давомида божсиз рус шакарига «ўтириб қолган» ва қўшнилар экспортни ёпганида, шакар сотиб оладиган давлат қолмаган.
Экспортнинг компания даромадидаги улуши 22 %ни ташкил қилади ва бу Россия (жами экспортнинг 62%), Қирғизистон (15%), Ўзбекистон (14%) ҳисобига ўсиб бормоқда. «Рахат» раҳбарининг сўзларига кўра, бу йил Россияга шакар етказиб бериш ҳажми энг юқори даражага чиққан. Лекин, энг муҳими, компания эндиликда Хитойга ҳам шакар етказиб бериш бошланишини кутмоқда.
Изоҳ (0)