Isroil harbiylari 10-iyun kuni ertalab Suriya poytaxti janubidagi nishonlarga bir nechta raketa hujumlarini uyushtirdi. Bu haqda Suriya davlat axborot agentligi SANA xabar berdi.
Agentlik xabariga ko‘ra, raketalar Isroil okkupatsiya qilgan Golan tepaliklari hududidan otilgan. Suriya havo hujumidan mudofaa tizimlari raketalarning ko‘p qismini urib tushirgan. Bir fuqaro yaralangan. Zarbalar moddiy zarar ham keltirgan.
Qayd etilishicha, zarbalar mahalliy vaqt bilan soat 04:20 da berilgan (Toshkent vaqti bilan 06:20).
Isroil matbuotiga ko‘ra, bu joriy haftada Isroilning Suriyaga ikkinchi hujumi. Suriya davlat televideniyesi 6-iyun kuni Isroilning Damashq janubiga bergan zarbasiga javoban havo hujumidan mudofaa tizimlari faollashtirilgani haqida xabar bergan edi.
Isroil rasmiylari raketa zarbalari haqidagi da’volarga hozircha izoh bermagan.
Izoh (0)