Turkiya prezidenti Rajab Toyyib Erdo‘g‘on AQSHning Gretsiya hududidagi harbiy bazalari Rossiyaga hujum qilish uchun tayyorlanganiga ishonmasligini qayd etdi.
Uning fikricha mamlakat Yevropaning bir qator davlatlaridan qurol-yarog‘, jumladan, samolyot va vertolyotlar oladi. AQSH ham Gretsiyani qo‘llab-quvvatlab turadi. Turkiya davlat rahbari barcha yordam qay maqsadda amalga oshirilayotgani yuzasidan mulohazalari bilan bo‘lishgan.
“AQSH Gretsiyadagi to‘qqizta bazasini kengaytirdi. Bu kimga qarshi qaratilgan harakat? Ular mazkur chora-tadbirlar Rossiyaga qaratilgani haqida gapirmoqda. Biroq ushbu vajni haqiqat deb qabul qila olmaymiz”,— degan Erdo‘g‘on Venesuela prezidenti Nikolas Maduro bilan Anqarada o‘tgan muzokaralar yakunida.
Turkiya va Gretsiya NATO’ga a’zo mamlakatlar hisoblanadi, ikki davlat bir qator masalalar yuzasidan o‘zaro bahslashib keladi: Egey dengizidagi orollar maqomi, bo‘lingan Kipr muammosi, neft-gaz razvedkasi bo‘yicha hamda havo yo‘llaridan foydalanishda va boshqa nizolar mavjud.
O‘tgan haftada Erdo‘g‘on Gretsiya bosh vaziri Kiriakos Mitsotakis bilan muloqot o‘tkazishni rad etgan. Mazkur qarorga qadar ikki mamlakat o‘rtasidagi yuqori darajadagi muzokaralar 2021-yildan qayta tiklangandi.
Izoh (0)