Germaniya Ukrainaga og‘ir artilleriya qurollarini yetkazishni to‘xtatmoqchi emas. Bu haqda mamlakat kansleri Olaf Shols ma’lum qildi, deb yozmoqda “Interfaks”.
“Germaniya tarixiy qaror qabul qilgan va inqirozli mintaqa — Ukrainaga qurol-yarog‘ yetkazib bermoqda... Biz u yerga ko‘p qurol yetkazib berdik va bu ishni davom ettiramiz. Jumladan, Ukrainaga og‘ir artilleriya qurollarini beramiz”, – deya takrorlagan Shols Berlinda o‘tgan VAP xalqaro xorij matbuoti ittifoqining matbuot anjumanida.
Shuningdek, u Germaniyaning Ukrainaga raketa hujumidan himoya qurollari, zirxli transportyotlar, amunitsiya yetkazib berilganini eslatib o‘tgan.
Avvalroq Germaniya parlamenti “Gepard” nomli nemis zenit qurollarini va PzH 2000 (nemis tilida - Panzerhaubitze 2000) artilleriya qurolini Ukrainaga yetkazib berishni ma’qullagandi. Bu kabi qurol-yarog‘dan jami yetti donasi Kiyev ixtiyoriga topshirilishi kutilmoqda.
Izoh (0)