«Пул жигардан бўлган. Ёшлар, илтимос, нақд пул билан муомала қилинглар» — Жаҳонгир Ортиқхўжаев

Humo Arena’да бўлиб ўтган Мегатренинг—2022 бизнес форумида Тошкент шаҳар ҳокими Жаҳонгир Ортиқхўжаев ёшларга маслаҳат берди.

«Сизлар нақд пулда ишланглар. Даромадингиз расмий бўлсин, лекин нақд пулда. Пластик карточка пули кўпайиб, пулини кўтара олмайдиган одамлар учун ўйлаб топилган.

Бозорга ёки бирорта дўконга кирсанглар қўлингизда пластик карточка бўлса, қанча пул ишлатаётганингларни билмайсизлар. Лекин нақд пул бераётганингларда, пул жигардан бўлган. Ёшлар, илтимос, нақд пул билан муомала қилинглар. Ёшларга пластик карточка билан ишлаш зарар . Ҳамма вақт нақд бўлсин. Пул бераётганингларда пулингизни санайсизлар.

Пул санаётганингларда чиқиш қийин бўлади. Бирор-бир нарсани харид қилаётганингларда савдолашасизлар. Пластик карточкани ичига қанча пул солсангиз, шунча кетаверади. Пластик карточка кучли олимларнинг ўйлаб топган ихтироси. Ёшларга пластик карточкани тавсия қилмайман.

Фақат нақд пул билан ишланглар. Бойиб кетиб пул кўтара олмайдиган бўлиб кетганингиздан кейин пластик карточкага ўтасизлар», — деди Жаҳонгир Ортиқхўжаев