Bir necha oy sudrab kelingan muammo vazir e’tibor qaratgach, uch kunda hal etildi

Namangan viloyatida yashovchi er-xotin muammosi vazir qabuliga kirgachgina hal etilgan. Bu haqda Bandlik va mehnat munosabatlari vazirligining rasmiy Telegram kanalida xabar berildi.

“Er-xotin vazir qabulida bo‘lib, oilaviy ahvoli og‘ir ekanini, ammo ko‘mak berilsa ishlab, daromad topishini bildirdi. Aytilishicha, eri sartarosh, ammo ishlash uchun ish qurollari yo‘q. Ayoli esa tikuvchi, lekin unda ham ish qurol muammosi bor. Vazir topshirig‘iga ko‘ra, uch kun ichida subsidiya asosida sartarosh erga sartaroshlik qilishi ish qurollari, xotiniga esa tikuvchilik qilish uchun tikuv mashinasi olib berildi”, — deydi vazir matbuot kotibi Mavjuda Mirzayeva.

Qo‘shimcha qilinishicha, oilaning ahvoli og‘irligi bois ularning farzandining xatna to‘yi ham vazirlik homiyligida o‘tkazib berilgan.