Наманган вилоятида яшовчи эр-хотин муаммоси вазир қабулига киргачгина ҳал этилган. Бу ҳақда Бандлик ва меҳнат муносабатлари вазирлигининг расмий Telegram каналида хабар берилди.
Маълум бўлишича, Наманган вилоятида яшовчи эр-хотин муаммосига ечим излаб, шахсан Бандлик ва меҳнат муносабатлари вазири Нозим Ҳусанов қабулига кирган.
«Эр-хотин вазир қабулида бўлиб, оилавий аҳволи оғир эканини, аммо кўмак берилса ишлаб, даромад топишини билдирди. Айтилишича, эри сартарош, аммо ишлаш учун иш қуроллари йўқ. Аёли эса тикувчи, лекин унда ҳам иш қурол муаммоси бор. Вазир топшириғига кўра, уч кун ичида субсидия асосида сартарош эрга сартарошлик қилиши иш қуроллари, хотинига эса тикувчилик қилиш учун тикув машинаси олиб берилди», — дейди вазир матбуот котиби Мавжуда Мирзаева.
Қўшимча қилинишича, оиланинг аҳволи оғирлиги боис уларнинг фарзандининг хатна тўйи ҳам вазирлик ҳомийлигида ўтказиб берилган.
Изоҳ (0)