Xorazm viloyati Xiva shahrida 4—5-iyun kunlari “Pakhlavon Makhmud — Strongmen Games” II Xalqaro turniri bo‘lib o‘tadi. Bu haqda Turizm va madaniy meros vazirligi xabar qildi.
Qayd etilishicha, 3-iyun kuni turnir ishtirokchilari O‘zbekistonga yetib kelgan. Musobaqada O‘zbekistondan tashqari Yaponiya, Rossiya, Braziliya, Italiya, Yangi Zelandiya, Ispaniya, Fransiya, Islandiya, Eron, Hindiston, Polsha, Tojikiston, Ozarbayjon hamda Qozog‘istondan sportchilar va hakamlar ishtirok etadi.
Ushbu xalqaro turnir Turizm va Madaniy meros vazirligi, Butunjahon Bahodirlar o‘yini federatsiyasi va O‘zbekiston Bahodirlar o‘yinlari va tosh ko‘tarish federatsiyasi hamkorligida tashkil etilmoqda.
Ta’kidlanishicha, “Pakhlavon Makhmud — Strongmen Games” sport orqali islomiy ziyorat turizmini targ‘ib qiluvchi dunyodagi yagona xalqaro turnir hisoblanadi.
Izoh (0)