Фарғонада учта — икки Matiz ва битта Damas устига дарахт қулаб тушди, дея хабар қилмоқда ФВБ.
2022 йилнинг 3 июнь куни Фарғона вилояти ҳудудида соат 15:50 ларда бошланган кучли шамолнинг тезлиги 15–17 метр/секундни ташкил этиб, Фарғона шаҳар Юксалиш кўчаси 12 уйнинг олдида тўхтаб турган икки Matiz автомобилининг том қисмларига чинор дарахтининг шохи синиб тушган.
Худди шундай ҳолат Фарғона шаҳар Марғилоний кўчаси «Наврўз» МФЙ 47-уй олдида ҳаракатланиб кетаётган Damas автомобилининг устки том қисмига чинор дарахти синиб тушган.
Юз берган ҳодисалар оқибатида аҳоли ўртасида ҳеч қандай тан жароҳати олганлар ва жабрланганлар кузатилмади.
Содир бўлган ҳолатларни зудлик билан бартараф этиш бўйича вилоят ФВБдан 10 нафар, ИИБдан 2 нафар, Миллий гвардиядан 2 нафар, Ободонлаштириш бошқармасидан 4 нафар ходим жалб этилди.
Изоҳ (0)