Mariupol portida Rossiya kuchlarining zirhli kateri, Donetskda vayron qilingan maktab. Urushning 96-kunidan fotoreportaj
Urushning to‘qson oltinchi kunida Rossiya qo‘shinlari Severodonetskka kirdi, deya ma’lum qildi Lugansk viloyati harbiy ma’muriyati rahbari Sergey Gayday. Shuningdek, Donbassda Lisichansk va Bahmut uchun janglar bo‘lib o‘tdi. Mariupol aholisidan Rossiya pasporti uchun hujjatlarni qabul qilish boshlandi. AQSH prezidenti Jo Bayden Vashington Ukrainaga snaryadlari Rossiya hududigacha yetib borishi mumkin bo‘lgan raketa tizimlarini bermasligini aytdi. Meduza urushga oid 30-may suratlarini jamladi.
Kiyev
Irpendagi vayron bo‘lgan binoni tomosha qilayotgan bolakay. Shahar mart oyining oxirigacha rus qo‘shinlari tomonidan ishg‘ol qilingan. Shahar meri Aleksandr Markushinning so‘zlariga ko‘ra, Irpendagi binolarning 70 foizi vayron bo‘lgan.Foto: AP Photo
Mariupol
Rossiya Qurolli Kuchlarining zirhli kateri Azov dengizidagi Mariupol porti yaqinida. Bir necha kun oldin Mariupol portiga birinchi kema — “Slavutich” tipidagi yuk kemasi kirdi. Unga metall yuklangan, yukni Rostov-Donga yetkazish kerak edi.Foto: “TASS”
Donetsk
Donetsk xalq respublikasi nazoratidagi Donetsk shahri maktabi. DXR hududiy mudofaa shtabining ma’lum qilishicha, shahar Ukraina Qurolli kuchlari tomonidan o‘qqa tutilgan, olti kishi halok bo‘lgan.Foto: “TASS”
O‘qqa tutishlar paytida halok bo‘lgan Donetsk aholisi vakili.Foto: “TASS”
Donbass shimoli
Ukraina va Rossiya qo‘shinlari o‘rtasida to‘qnashuvlar ketayotgan Severodonetsk uzra tutun ko‘tarilmoqda. Rossiya kuchlari shaharni o‘rab olishga intilmoqda. Donbass shimoli hozir shiddatli janglar zonasiga aylangan.Foto: AFP
Bahmutning o‘qqa tutilishi oqibatida vayron bo‘lgan bino. Rossiya askarlari unga ham yaqinlashmoqda.Foto: AP Photo
Bahmutdagi turar joy binosi xarobalari orasida yurgan mushuk.Foto: Reuters
Lisichanskda yashovchi ayol yonayotgan garaj yonida. Rossiya harbiylari shaharga hujum qilmoqda.Foto: AFP
Xarkov viloyati
Xarkovdagi vayron bo‘lgan ko‘prik. Rossiya qo‘shinlari shaharni egallashga bo‘lgan muvaffaqiyatsiz urinishlaridan keyin may oyining o‘rtalarida ortga chekingan edi, ammo hozir o‘t ochishlar yana boshlandi.Foto: EPA
Ukraina hududiy mudofaasi jangchilari.Foto: AP Photo
Xarkovga qilingan hujumdan keyingi yong‘in. Viloyat harbiy prokuraturasi ma’lumotlariga ko‘ra, uch nafar tinch aholi vakillari jarohatlangan. Bir necha kun oldin shaharni o‘qqa tutish paytida to‘qqiz kishi halok bo‘lgandi.Foto: Zuma Press
Izoh (0)