Yevropa Ittifoqi yetakchilari Rossiya neftiga qisman taqiq qo‘yishga kelishib oldi va bu oltinchi sanksiyalar paketiga yo‘l ochib berdi. Bu haqda Bloomberg xabar berdi.
Yevropa Kengashi prezidenti Charlz Mishelning aytishicha, sanksiyalar Rossiyadan dengiz orqali yetkazib beriladigan xom neft va neft mahsulotlarini sotib olishni taqiqlaydi, lekin quvur xomashyosi uchun vaqtinchalik imtiyozni ham o‘z ichiga oladi.
Bu Rossiyadan neft importining 2/3 qismini qoplaydi va urushni moliyalashtirishning katta manbasini qisqartiradi, — dedi Mishel.Unga ko‘ra, bu urushni tugatish uchun Rossiyaga maksimal bosim bo‘ladi.
Rasmiylar va diplomatlar hali texnik tafsilotlar bo‘yicha kelish bo‘lmagan, sanksiyalar barcha — 27 davlat tomonidan rasman qabul qilinishi lozim. Buning uchun Mishel elchilar chorshanba kuni uchrashishini aytdi.
Markaziy Yevropaga yirik Drujba quvuri orqali neft jo‘natish Vengriya va dengizga chiqa olmaydigan boshqa davlatlarning energiyaga bo‘lgan ehtiyojini qondiruvchi texnik yechim topilmaguncha saqlanib qoladi.
Hozirgi quvur orqali yetkazib berishning asosiy qismi Germaniya va Polshaga to‘g‘ri keladi, ular Yevropaning har qanday harakatlaridan qat’i nazar, Rossiya neftidan voz kechishini bildirdi.
Agar ikkala davlat ham bunga amal qilsa, dengiz embargosi bilan birgalikda yil oxirigacha Rossiyaning Yevropaga xom neft sotishning 90 foizini qisqartirishi mumkin.
Biz yaqin orada quvur neftining qolgan 10 foizi masalasiga qaytishimiz kerak, — dedi Yevropa Komissiyasi prezidenti Ursula fon der Leyen.Kuniga qariyb 2,3 mln barrel Rossiya xomashyosi quvur va portlar orqali g‘arbga yo‘naltiriladi.
Dengiz orqali yetkazib beriladigan neft Rossiya importining uchdan ikki qismiga to‘g‘ri keladi va chora ko‘rilsa, hukumat yiliga 10 mlrd dollargacha eksport daromadini yo‘qotadi.
Taqiq Rossiya o‘z neftini Osiyoga chegirma bilan sotishga majbur qiladi, u yerda neft Brent fyucherslari narxidan (bir barrel uchun) 34 dollarga arzonroq.
Paket, shuningdek, neftni uchinchi mamlakatga tashish bilan bog‘liq sug‘urtani taqiqlashni taklif qiladi. Ammo bu chora-tadbirlar qabul qilinganidan so‘ng (olti oy o‘tgach) ilgari taklif qilingan uch oylikdan keyin kuchga kiradi.
Avvalroq Osiyo birinchi marta Rossiyadan sotib olingan neft hajmi bo‘yicha Yevropani ortda qoldirgani haqida xabar berilgan edi.
Izoh (0)