Украинадаги уруш Қатар экспортининг кескин ошишига олиб келди

Украинадаги уруш натижасида Қатарнинг экспорти кескин ошди. Бу ҳақда Bloomberg хабар берди.

Дунёдаги энг йирик суюлтирилган газ экспортчиси Қатар Украинадаги уруш сабаб талабнинг ўсишидан фойда кўрмоқда.

Экспортнинг умумий ҳажми ўтган йилги 21 млрд риалга нисбатан 22,5 млрд риалга ошиб, 43,5 млрд риални (11,9 млрд доллар) ташкил этди. Бу ойда 34,2 млрд риал савдо балансига олиб келди.

Европа Украинадаги уруш ортидан қитъанинг энг йирик етказиб берувчиси бўлган Россия газига муқобил вариант топиш учун курашмоқда.

Қатар ва дунёдаги энг йирик экспортчи АҚШдан суюлтирилган газ импорти бунинг асосий ечимидир.

Европанинг бир қанча юқори мартабали амалдорлари, жумладан, Иттифоқнинг бош дипломати Хосеп Боррел ва Германия Иқтисодиёт вазири Роберт Хабек газ етказиб бериш масаласини муҳокама қилиш учун Қатарга борган.

Апрель ойида Хитой деярли 6,6 млрд риал билан Қатарнинг асосий экспорт йўналиши бўлди, ундан кейин эса Ҳиндистон ва Япония.

Аввалроқ Европа Россия газини санкцияларни бузмасдан сотиб олиш режасини ишлаб чиққани ҳақида хабар берилган эди.