Parijdagi Luvr muzeyining sobiq rahbari Jan-Lyuk Martines san’at buyumlarini Yaqin Sharqqa sotishda ayblanmoqda. Bu haqda Le Monde gazetasi xabar berdi.
Fransuz tergovchilarining da’vo qilishicha, Luvrning sobiq rahbari ashyolarni muzeyning Birlashgan arab amirliklari poytaxti Abu-Dabidagi filialiga o‘tkazishga yordam bergan. Ma’lum qilinishicha, ular orasida qadimgi Misr fir’avni Tutanxamon muhri tushirilgan granit stelasi ham bor.
Martines ayblovlarni rad etmoqda va vijdonan ish qilganini ta’kidlamoqda.
Parijdagi Luvr hozircha hech qanday bayonot bermagan, Abu-Dabidagi muzey vakillari esa Fransiya tergovi sabab ishning alohida jihatlari haqida izoh bera olmasligini aytishgan.
Qayd etilishicha, Jan-Lyuk Martines 1997-yildan 2021-yilning yozigacha Luvrda kurator bo‘lib ishlagan. O‘shandan beri u san’at asarlari savdosiga qarshi kurashda yordam beradigan Madaniy meros sohasidagi xalqaro hamkorlik bo‘yicha Fransiya elchisi hisoblanadi.
Izoh (0)