Samarqand viloyati Samarqand shahrida 29-may kuni bir nechta mashinalar o‘zgalar hayotiga xavf solib, guruh-guruh bo‘lib harakatlandi. Bu haqda viloyat Ichki ishlar boshqarmasi xabar qildi.
Qayd etilishicha, holat shu kuni tungi soat 01:30 larda shaharning Ro‘dakiy ko‘chasida sodir bo‘lgan. Haydovchilar guruh-guruh bo‘lib harakatlangan. Shuningdek, mashina yo‘nalishni keskin o‘zgartirib, yo‘lovchilar avtomobil oynasidan bel qismigacha chiqarib boshqarilgan.
Ijtimoiy tarmoqda tarqalgan videolavhadan ko‘rish mumkinki, ushbu fuqarolar Real Madrid futbol klubining Chempionlar ligasi finalidagi g‘alabasini nishonlamoqchi bo‘lgan.
Holat yuzasidan surishtiruv ishlari olib borilib, mazkur holatni yuzaga keltirgan 6 ta transport vositasi va ularning haydovchilari aniqlangan.
“Shoshayotgandik, bilmay qoldik, boshqa qaytarilmaydi. Qolganlarga ham tavsiya qilmayman”, — deydi haydovchilar.
Holat yuzasidan qoidabuzarlarga nisbatan ma’muriy bayonnomalar rasmiylashtirilgan.
Avvalroq Nukusda to‘y kortejidagi Lacetti’lar yo‘l talashib, to‘qnashib harakatlangani, Qashqadaryoda 12 nafar yigit mashinalar oynasidan chiqib olib, qarama-qarshi tomonga harakatlangani, Samarqandda to‘y kortejidagi “Jiguli”lar drift qilgani haqida xabar berilgan.
Mavzuga doir:
- Qarshida taksi haydovchilari avtomobil yo‘lini to‘sib qo‘ydi. Ular xavfsizlik kamari taqmagani sabab yozilgan jarimalardan norozi bo‘lmoqda (video)
- Jizzaxda yo‘lovchi talashgan Lacetti haydovchisi taksichilardan birini kapotda sudrab ketdi (video)
- Toshkentda drift qilmoqchi bo‘lgan Nexia temir ustunga borib urildi (video)
Izoh (0)