Toshkent shahri Yunusobod tumanida 17-aprel kuni bir guruh haydovchilar avtomobil yo‘lida drift qildi. Bu haqda shahar Ichki ishlar bosh boshqarmasi xabar qildi.
Qayd etilishicha, shu kuni soat 22:30 larda Yunusobod tumani Istiqlol ko‘chasida bir nechta avtomashina drift qilib, xavfli vaziyatni yuzaga keltirgan. Oqibatda M.N. ismli haydovchi (1999-yilda tug‘ilgan) o‘ziga tegishli Nexia-3 avtomashinasining rul boshqaruvini yo‘qotib, yo‘l chetidagi temir ustunga urilib to‘qnashuv sodir etgan.
To‘qnashuvda haydovchi jarohat olmagan. Lekin ichki ishlar organlariga xabar bermasdan, hodisa joyidan ketib qolgan.
