Самарқанд вилояти Самарқанд шаҳрида 29 май куни бир нечта машиналар ўзгалар ҳаётига хавф солиб, гуруҳ-гуруҳ бўлиб ҳаракатланди. Бу ҳақда вилоят Ички ишлар бошқармаси хабар қилди.
Қайд этилишича, ҳолат шу куни тунги соат 01:30 ларда шаҳарнинг Рўдакий кўчасида содир бўлган. Ҳайдовчилар гуруҳ-гуруҳ бўлиб ҳаракатланган. Шунингдек, машина йўналишни кескин ўзгартириб, йўловчилар автомобиль ойнасидан бел қисмигача чиқариб бошқарилган.
Ижтимоий тармоқда тарқалган видеолавҳадан кўриш мумкинки, ушбу фуқаролар Реал Мадрид футбол клубининг Чемпионлар лигаси финалидаги ғалабасини нишонламоқчи бўлган.
Ҳолат юзасидан суриштирув ишлари олиб борилиб, мазкур ҳолатни юзага келтирган 6 та транспорт воситаси ва уларнинг ҳайдовчилари аниқланган.
«Шошаётгандик, билмай қолдик, бошқа қайтарилмайди. Қолганларга ҳам тавсия қилмайман», — дейди ҳайдовчилар.
Ҳолат юзасидан қоидабузарларга нисбатан маъмурий баённомалар расмийлаштирилган.
Аввалроқ Нукусда тўй кортежидаги Lacetti’лар йўл талашиб, тўқнашиб ҳаракатлангани, Қашқадарёда 12 нафар йигит машиналар ойнасидан чиқиб олиб, қарама-қарши томонга ҳаракатлангани, Самарқандда тўй кортежидаги «Жигули»лар дрифт қилгани ҳақида хабар берилган.
Мавзуга доир:
- Қаршида такси ҳайдовчилари автомобиль йўлини тўсиб қўйди. Улар хавфсизлик камари тақмагани сабаб ёзилган жарималардан норози бўлмоқда (видео)
- Жиззахда йўловчи талашган Lacetti ҳайдовчиси таксичилардан бирини капотда судраб кетди (видео)
- Тошкентда дрифт қилмоқчи бўлган Nexia темир устунга бориб урилди (видео)
Изоҳ (0)