O‘zbekistonga 4 oyda qariyb 90 mingta konditsioner import qilindi

O‘zbekistonga 2022-yilning yanvar—aprel oylarida xorijdan qiymati 25,4 million dollarga teng bo‘lgan 88 336 dona konditsioner import qilingan. Bu haqda Davlat statistika qo‘mitasi xabar qildi.

Qayd etilishicha, konditsioner importi 2021-yilning mos davriga nisbatan solishtirilganda 44 983 donaga oshgan. O‘zbekiston 22 ta davlatdan konditsioner import qilgan.

O‘zbekiston 4 oy mobaynida eng ko‘p konditsioner import qilgan davlatlar:

• Xitoy – 83 054 dona;
• Turkiya – 2 720 dona;
• Litva – 811 dona;
• Italiya – 375 dona;
• Fransiya – 213 dona;
• Hindiston – 211 dona;
• Koreya – 210 dona;
• Rossiya – 143 dona;
• Germaniya – 122 dona;
• BAA – 109 dona;
• Ispaniya – 46 dona;
• AQSH – 41 dona.