Toshkent tumanida haydovchilik guvohnomasi bo‘lmay turib, avtomobil boshqargan yigitlar aniqlandi, deb xabar beradi Toshkent viloyati IIBB JXX YHXB axborot guruhi.
Ma’lum qilinishicha, 26-may kuni Toshkent tumanida xizmat olib borayotgan YPX inspektori M.Abduvosiqov tomonidan kun davomida Damas va “VAZ-2106” rusumli avtoulovlar to‘xtatib tekshirilgan. Tekshiruv davomida mashinalarni haydovchilik guvohnomasini olish yoshiga yetmagan 15 va 17 yoshli yigitlar boshqarib ketayotgani aniqlangan.
Ikkala haydovchiga nisbatan ma’muriy bayonnomalar rasmiylashtirilgan va avtoulovlar jarima maydoniga qo‘yilgan.
Avvalroq Namanganda 14 yoshli bola “Jiguli”da tengdoshini bosib ketib, uning o‘limiga sababchi bo‘lgani, Toshkentda voyaga yetmagan o‘g‘liga rul boshqaruvini bergan ota jarimaga tortilgani to‘g‘risida xabar berilgandi.
Izoh (0)