O‘zbekistonga yil boshidan beri qariyb 1 mln dona telefon import qilingan

O‘zbekistonga 2022-yilning yanvar—aprel oylarida xorijdan qiymati 71,2 mln dollarga teng bo‘lgan 976 645 dona mobil telefon import qilingan. Bu haqda Davlat statistika qo‘mitasi xabar bermoqda.

Telefon importi 2021-yilning mos davriga nisbatan solishtirilganda 320 900 donaga oshgan. O‘zbekiston 9 ta davlatdan mobil telefonlar import qilgan.

Telefon importi bo‘yicha Xitoy yetakchilik qilmoqda. Bu mamlakatdan O‘zbekistonga 750 mingga yaqin telefon import qilingan. Keyingi o‘rinlarni mos ravishda Vyetnam va Hindiston egalladi. 

O‘zbekiston 4 oy mobaynida mobil telefonlarni eng ko‘p import qilgan davlatlar:

• Xitoy – 741 546 donа;
• Vyetnam – 121 376 dona;
• Hindiston – 62 612 dona;
• BAA – 46 137 dona;
• Qozog‘iston – 3 663 dona;
• Koreya – 1 286 dona.

Oylar kesimida eng ko‘p telefon mart oyida import qilingan. Fevral va aprel oylarida ham bu ko‘rstakich yuqori bo‘ldi. Oylar kesimida telefon importi:

• yanvar – 129 766 dona;
• fevral – 284 461 dona;
• mart – 286 056 dona;
• aprel – 276 362 dona.

Avvalroq O‘zbekiston yil boshidan beri 700 mingdan ortiq telefon import qilgani haqida xabar berilgan edi.