Kompaniyaning yosh mutaxassislari mamlakatimizda neft qazib olish samaradorligini oshirishga qaratilgan 19 ta g‘oyani ilgari surdilar.
SEG neft-gaz kompaniyasi birinchi marta Smart&Young by SEG ilmiy-texnik anjumanini o‘tkazdi. Uning ishtirokchilari kompaniyaning 35 yoshgacha bo‘lgan yosh mutaxassislari bo‘ldi.
Tadbir poytaxtimizda bo‘lib o‘tdi va kompaniyaning Andijon, Qarshi, Muborak va Toshkent shaharlarida joylashgan barcha hududiy ishlab chiqarish korxonalari (HIChK) ishtirokchilarini birlashtirdi. Anjuman SEG yosh mutaxassislar kengashi tomonidan tashkil etilgan bo‘lib, uning asosiy maqsadi kompaniyaning yangi xodimlariga o‘z salohiyatini kashf qilish va mavjud jarayonlarga yangicha nuqtayi nazardan qarashga yordam berishdir.
“Kelajak — yoshlar va faollarniki, buni butun dunyo tushunadi va SEG ham bundan mustasno emas. Korxonamizda o‘z ilmiy bilimlarini amaliyotga tatbiq etishga intiluvchi yosh kadrlar borligidan xursandmiz. Bizning vazifamiz ularga bu borada yordam berish, yo‘l-yo‘riq ko‘rsatish va har tomonlama qo‘llab-quvvatlashdir”, — deydi bosh direktorning kadrlar va tashkiliy rivojlanish bo‘yicha o‘rinbosari Xurshed Hojimetov.
Yosh ma’ruzachilarning chiqishlarida kompaniyaning asosiy yo‘nalishi — uglevodorod qazib olishni oshirish va O‘zbekistonni o‘z xomashyosidan olingan yuqori sifatli yoqilg‘i bilan ta’minlash haqida so‘z bordi. Smart&Young by SEG anjumani doirasida neft-gaz sanoatining dolzarb masalalari bo‘yicha jami 19 ta ma’ruza taqdim etildi.
Muhokama qilinganlar orasida glinokislota yordamida neftni qayta ishlashni oshirish, o‘ta chuqur bo‘lgan quduqlarni burg‘ilashni takomillashtirish va ishlab chiqarish xarajatlarini hisobga olish samaradorligini oshirish yo‘llari haqidagi mavzular mavjud. Neftning texnologik yo‘qotishlarini kamaytirish va ishlab chiqarish obyektlarida alangalangan gazdan samarali foydalanish masalalari muhokama qilindi. Shuningdek, gaz kondensati asosida eritib olishning innovatsion texnologiyasi hamda ish jarayonlarini avtomatlashtirish bo‘yicha qator IT yechimlar taqdim etildi.
“Kompaniyamiz neft qazib olishni ko‘paytirish bo‘yicha O‘zbekiston Respublikasining yagona operatori hisoblanadi. Kompaniyaning maqsadi, Vazirlar Mahkamasining 2019-yil 15-dekabrdagi 1002-son qaroriga muvofiq neft qazib olish hajmini yiliga 1,6 million tonnaga yetkazish, iqtisodiyotni sotib olingan neft bilan emas, balki o‘z nefti bilan ta’minlashdan iboratdir. Bu yerda esa yosh mutaxassislar bera oladigan yangicha qarashlar eng yaxshi samaradir. Smart&Young by SEG anjumani doirasida bildirilgan barcha 19 ta g‘oya kompaniya rahbariyati tomonidan qo‘llab-quvvatlanadi va amaliyotga tatbiq etiladi”, — dedi kompaniyaning korporativ kommunikatsiyalar bo‘yicha direktori Igor Gusenkov.
Demirel Ispaxev, Qarshi hududiy ishlab chiqarish korxonasining geologiya bo‘limi boshlig‘i o‘rinbosari: “Mening ma’ruzam samarali geologik-texnik tadbirlarni amalga oshirish uchun quduqlardagi geofizik tadqiqotlarda radioaktiv usullarni qo‘llashga bag‘ishlandi. Ushbu mavzu quduqda olib borilgan ishlarimiz kutilgan natijani bermagani bilan meni o‘ziga qiziqtirdi. Shuning uchun biz barcha ma’lumotlarni qayta tekshirishga, kerakli choralarni ko‘rishga va muammoni hal qilishga qaror qildik. Smart&Young by SEG men uchun foydali malaka berdi. Anjuman boshqa yosh mutaxassislar bilan tanishish, ularning fikrlarini bilish va tadqiqotida qanday nostandart yondashuvlardan foydalanishlari bilan tanishish imkonini berdi”.
Kelajakda SEG milliy va xalqaro miqyosda iqtidorli yoshlarni ilgari surish borasida ko‘mak berishda davom etadi, shuningdek, kompaniyaga ishlash uchun neft va gaz sanoatidagi eng yaxshi mutaxassislarni jalb qiladi.
Qo‘shimcha ma’lumot uchun:
Gusenkov Igor Yurevich
Korporativ kommunikatsiyalar direktori | PR boshlig‘i
“Sanoat energetika guruhi” MChJ XK
Telefon: +99878 120 32 87, ichki: 13195
Telefon: +99891 009 72 15
Telegram, WhatsApp: +7 926 588 95 48
Toshkent shahri, Nukus ko‘chasi, 50-uy
100081, O‘zbekiston Respublikasi
Reklama huquqi asosida.
Izoh (0)