Компаниянинг ёш мутахассислари мамлакатимизда нефть қазиб олиш самарадорлигини оширишга қаратилган 19 та ғояни илгари сурдилар.
СЭГ нефть-газ компанияси биринчи марта Smart&Young by SEG илмий-техник анжуманини ўтказди. Унинг иштирокчилари компаниянинг 35 ёшгача бўлган ёш мутахассислари бўлди.
Тадбир пойтахтимизда бўлиб ўтди ва компаниянинг Андижон, Қарши, Муборак ва Тошкент шаҳарларида жойлашган барча ҳудудий ишлаб чиқариш корхоналари (ҲИЧК) иштирокчиларини бирлаштирди. Анжуман СЭГ ёш мутахассислар кенгаши томонидан ташкил этилган бўлиб, унинг асосий мақсади компаниянинг янги ходимларига ўз салоҳиятини кашф қилиш ва мавжуд жараёнларга янгича нуқтаи назардан қарашга ёрдам беришдир.
«Келажак — ёшлар ва фаолларники, буни бутун дунё тушунади ва СЭГ ҳам бундан мустасно эмас. Корхонамизда ўз илмий билимларини амалиётга татбиқ этишга интилувчи ёш кадрлар борлигидан хурсандмиз. Бизнинг вазифамиз уларга бу борада ёрдам бериш, йўл-йўриқ кўрсатиш ва ҳар томонлама қўллаб-қувватлашдир», — дейди бош директорнинг кадрлар ва ташкилий ривожланиш бўйича ўринбосари Хуршед Ҳожиметов.
Ёш маърузачиларнинг чиқишларида компаниянинг асосий йўналиши — углеводород қазиб олишни ошириш ва Ўзбекистонни ўз хом ашёсидан олинган юқори сифатли ёқилғи билан таъминлаш ҳақида сўз борди. Smart&Young by SEG анжумани доирасида нефть-газ саноатининг долзарб масалалари бўйича жами 19 та маъруза тақдим этилди.
Муҳокама қилинганлар орасида глинокислота ёрдамида нефтни қайта ишлашни ошириш, ўта чуқур бўлган қудуқларни бурғилашни такомиллаштириш ва ишлаб чиқариш харажатларини ҳисобга олиш самарадорлигини ошириш йўллари ҳақидаги мавзулар мавжуд. Нефтнинг технологик йўқотишларини камайтириш ва ишлаб чиқариш объектларида алангаланган газдан самарали фойдаланиш масалалари муҳокама қилинди. Шунингдек, газ конденсати асосида эритиб олишнинг инновацион технологияси ҳамда иш жараёнларини автоматлаштириш бўйича қатор IT ечимлар тақдим этилди.
«Компаниямиз нефть қазиб олишни кўпайтириш бўйича Ўзбекистон Республикасининг ягона оператори ҳисобланади. Компаниянинг мақсади, Вазирлар Маҳкамасининг 2019 йил 15 декабрдаги 1002-сон қарорига мувофиқ нефть қазиб олиш ҳажмини йилига 1,6 миллион тоннага етказиш, иқтисодиётни сотиб олинган нефть билан эмас, балки ўз нефти билан таъминлашдан иборатдир. Бу ерда эса ёш мутахассислар бера оладиган янгича қарашлар энг яхши самарадир. Smart&Young by SEG анжумани доирасида билдирилган барча 19 та ғоя компания раҳбарияти томонидан қўллаб-қувватланади ва амалиётга татбиқ этилади», — деди компаниянинг корпоратив коммуникациялар бўйича директори Игорь Гусенков.
Демирел Испахев, Қарши ҳудудий ишлаб чиқариш корхонасининг геология бўлими бошлиғи ўринбосари: «Менинг маърузам самарали геологик-техник тадбирларни амалга ошириш учун қудуқлардаги геофизик тадқиқотларда радиоактив усулларни қўллашга бағишланди. Ушбу мавзу қудуқда олиб борилган ишларимиз кутилган натижани бермагани билан мени ўзига қизиқтирди. Шунинг учун биз барча маълумотларни қайта текширишга, керакли чораларни кўришга ва муаммони ҳал қилишга қарор қилдик. Smart&Young by SEG мен учун фойдали малака берди. Анжуман бошқа ёш мутахассислар билан танишиш, уларнинг фикрларини билиш ва тадқиқотида қандай ностандарт ёндашувлардан фойдаланишлари билан танишиш имконини берди».
Келажакда СЭГ миллий ва халқаро миқёсда иқтидорли ёшларни илгари суриш борасида кўмак беришда давом этади, шунингдек, компанияга ишлаш учун нефть ва газ саноатидаги энг яхши мутахассисларни жалб қилади.
Қўшимча маълумот учун:
Гусенков Игорь Юревич
Корпоратив коммуникациялар директори | PR бошлиғи
«Саноат энергетика гуруҳи» МЧЖ ХК
Телефон: +99878 120 32 87, ички: 13195
Телефон: +99891 009 72 15
Telegram, WhatsApp: +7 926 588 95 48
Тошкент шаҳри, Нукус кўчаси, 50 уй
100081, Ўзбекистон Республикаси
Реклама ҳуқуқи асосида.
Изоҳ (0)