Qozog‘istonda birinchi atom elektr stansiyasi 2035-yilga kelib paydo bo‘lishi mumkin. Bu haqda Olmaotada AES qurilishining iqtisodiy jihatlarini muhokama qilishga bag‘ishlangan davra suhbatida ma’lum qilindi, deb yozmoqda Tengrinews.
“Tayyorgarlik ishlariga taxminan besh yil ketadi: bu texnik-iqtisodiy asoslash va loyiha-smeta hujjatlarini ishlab chiqishdan iborat bo‘ladi. AES qurishning asosiy muddati taxminan olti yilni tashkil etadi. Loyihani amalga oshirishning umumiy muddati qaror qabul qilingan kundan boshlab 10-11 yil bo‘ladi.
Ya’ni, AESni ishga tushirish 2035-yilda amalga oshishi mumkin, agar kelgusi yil ichida reaktor yetkazib beruvchisi haqida qaror qabul qilib, texnik-iqtisodiy asoslash hujjatlarini ishlab chiqa boshlasak, albatta”, — dedi “Qozog‘iston atom elektr stansiyalari” kompaniyasining bosh direktori Timur Jantikin.
Avval Olmaota viloyatidagi Ulken shaharchasi atom elektr stansiyasini qurish uchun eng munosib joy ekani aytilgandi.
Izoh (0)