Hindistonda yangi milliarder paydo bo‘ldi. Bu haqda Forbes xabar berdi. Bu — 66 yoshli Campus Activewear kompaniyasining asoschisi Hari Krishan Agarval.
Yaqinda bo‘lib o‘tgan IPO natijasida Agarvalning boyligi 1 mlrd dollarga teng bo‘ldi.
Agarval tadbirkorlikni 1983-yilda Action sport poyabzali brendiga asos solganida boshlagan.
2005-yilda u Campus sport poyabzallarini 10 dollardan past narxlarda sotuvga chiqargan. Bu mahsulotga 35 dollardan yuqoriroq narxda sport poyabzallarini sotadigan Nike, Adidas va Puma kabi global brendlar bilan raqobat qilishga imkon bergan.
2021-moliya yilida Campus Activewear sport segmentida poyabzallarning qiymati va soni bo‘yicha Hindistonning eng yirik kompaniyasi bo‘lgan.
Kompaniya o‘tgan yilda 13 mln juft krossovka sotib, 94 mln dollar daromad olgan.
Avvalroq dunyoning eng boy oilasi 19 mlrd dollar yo‘qotgani haqida xabar berilgan edi.
Izoh (0)