AQSH prezidenti Jo Bayden Kolumbiyaga AQSHning NATOdan tashqaridagi asosiy ittifoqchisi maqomini rasman berdi. Bu maqom AQSHning umumiy strategik manfaatlarga ega bo‘lgan yaqin ittifoqchilariga beriladi.
“Prezident sifatidagi vakolatlarim doirasida... Men Kolumbiyani AQSHning NATOdan tashqaridagi asosiy ittifoqchilari qatoriga kiritaman”, — deyiladi Oq uy saytida e’lon qilingan memorandumda.
NATOdan tashqaridagi asosiy ittifoqchi maqomi AQSH ittifoqchisiga terrorizm va mudofaa loyihalariga qarshi qo‘shma tashabbuslarda ishtirok etish, qo‘shma tadqiqotlar o‘tkazish, bir qator mudofaa vazifalari uchun AQSHdan mablag‘ olish imkonini beradi.
Bugungi kunga kelib, asosiy ittifoqchi maqomi qariyb 20 ta davlatga berilgan. AQSHning NATOdan tashqaridagi asosiy ittifoqchisi maqomiga ega bo‘lgan so‘nggi davlat Qatar edi, u mazkur maqomni 2022-yilning mart oyida olgan.
Izoh (0)