Farg‘ona viloyati Quva tumanida 24 yoshli yigit ikki nafar fuqaroga tan jarohati yetkazdi. Bu haqda viloyat Ichki ishlar boshqarmasi xabar qildi.
Qayd etilishicha, Quva tumani “Sultonobod” mahallasida yashovchi fuqaro (1998-yilda tug‘ilgan) eski adovati tufayli qo‘liga sovuq qurol olib, ikki nafar fuqaroga tan jarohati yetkazgan. Oqibatda jabrlanuvchilar olgan tan jarohatlari bilan shifoxonaga yotqizilgan.
Holat yuzasidan Jinoyat kodeksining 104-moddasi (qasddan badanga og‘ir shikast yetkazish) 3-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.
Bundan avval Sirdaryoda uxlab yotgan ayolning tilla taqinchog‘ini o‘g‘irlash uchun uni pichoqlab o‘ldirgan shaxs 20 yilga qamalgani, Samarqandda yigit folbin va uning qizini o‘ldirgani, Xorazmda fuqarolarni urish, do‘pposlash bilan shug‘ullanib kelgan bezorilar guruhi ushlangani haqida xabar berilgan.
Izoh (0)