Ijtimoiy tarmoqlarda Samarqandda YPX xodimi haydovchiga elektroshoker ko‘rsatgani aks etgan video tarqaldi. Samarqand viloyati IIB matbuot kotibi holatga munosabat bildirib, hozirda xizmat tekshiruvi o‘tkazilayotganini ma’lum qildi.
20-may kuni Jomboy tumani Galakapa ko‘chasida xizmat olib borayotgan Samarqand viloyati IIB JXX YPXB 1-otryadi inspektori M.Atabayev tomonidan shu ko‘chada harakatlanib kelayotgan Spark to‘xtatib tekshirilgan. Haydovchi L.A. mashinani me’yoriy hujjatlarsiz boshqarib, yo‘l harakati qoidasininig tegishli bandini buzib kelayotgani aniqlangan.
Ushbu holat yuzasidan haydovchiga nisbatan ma’muriy bayonnoma rasmiylashtirilib, inspektor mashinasini vaqtinchalik saqlash uchun jarima maydonchasiga qo‘yishini aytgan. Haydovchi unga qarshilik qilib, xodimning qonuniy talabiga bo‘ysunmay, inspektordan evakuator chaqirishini so‘ragan.
Inspektor haydovchini agarda uning qonuniy talablariga bo‘ysunmasa, elektroshoker qurilmasini qo‘llashi bo‘yicha ogohlantirgan hamda mashina evakuator yordamida vaqtinchalik saqlash uchun jarima maydonchasiga joylashtirilgan.
Holat yuzasidan xizmat tekshiruvi o‘tkazilmoqda.
Avvalroq Samarqandda IIB xodimlari turistlarga elektroshoker qo‘llagani va holat yuzasidan xizmat tekshiruvi boshlangani to‘g‘risida xabar berilgandi.
Mavzuga doir:
- Samarqandda IIB xodimi pogonini o‘zi yulib, bunda yonidagi ayolni ayblagani ko‘ringan video tarqaldi. Vazirlik holat o‘rganilayotganini ma’lum qildi
- Toshkent viloyatida Matiz haydovchisi va YPX xodimlari o‘rtasida janjal sodir bo‘ldi (video)
- Namanganda YPX xodimi va niqobli shaxs fuqarolarga elektroshoker ishlatgani aytildi — video
Izoh (0)