Фарғона вилояти Қува туманида 24 ёшли йигит икки нафар фуқарога тан жароҳати етказди. Бу ҳақда вилоят Ички ишлар бошқармаси хабар қилди.
Қайд этилишича, Қува тумани «Султонобод» маҳалласида яшовчи фуқаро (1998 йилда туғилган) эски адовати туфайли қўлига совуқ қурол олиб, икки нафар фуқарога тан жароҳати етказган. Оқибатда жабрланувчилар олган тан жароҳатлари билан шифохонага ётқизилган.
Ҳолат юзасидан Жиноят кодексининг 104-моддаси (қасддан баданга оғир шикаст етказиш) 3-қисми билан жиноят иши қўзғатилган. Ҳозирда тергов ҳаракатлари олиб борилмоқда.
Бундан аввал Сирдарёда ухлаб ётган аёлнинг тилла тақинчоғини ўғирлаш учун уни пичоқлаб ўлдирган шахс 20 йилга қамалгани, Самарқандда йигит фолбин ва унинг қизини ўлдиргани, Хоразмда фуқароларни уриш, дўппослаш билан шуғулланиб келган безорилар гуруҳи ушлангани ҳақида хабар берилган.
Изоҳ (0)