2022-yilning mart—aprel oylarida Rossiyani tark etib, qaytish reyslarini sotib olmaslikka qaror qilgan menejerlar ulushi keskin oshdi. Bu haqda “RBK” xabar berdi.
Mart oyida bir tomonlama chiptalar ulushi 70 foizga, aprelda 47 foizga yetdi.
2019-yilda bunday chiptalar buyurtmalarning uchdan bir qismini tashkil etgan.
Rossiyaliklar ko‘chish uchun tanlagan davlatlar orasida O‘zbekiston ham yetakchilik qiladi. So‘nggi oylarda Rossiya va Belarusdan 5000-6000 ga yaqin odam ko‘chib keldi.
Holatni 2019-yil bilan taqqoslash biz uchun to‘g‘ri bo‘lib tuyuladi, chunki bozor barqaror holatda edi va COVID-19 kabi ekstremal ta’sirlarga duchor bo‘lmagan, — deb tushuntiradi "Aeroclub" vakili.Kompaniya xulosalari 2019-2021 va 2022-yillarning birinchi choragi va aprel oylarida kompaniya orqali o‘tkazilgan 1 milliondan ortiq tranzaksiyalar tahliliga asoslangan.
Tranzaksiya deganda bitta aviachipta yoki bitta mehmonxonani bron qilish uchun to‘lov tushuniladi.
“Aeroklub” boshqaruvchi direktori Yuliya Lipatova bir tomonlama chiptalarga talabning o‘sishini xodimlarning boshqa joyga ko‘chirilishining bilvosita tasdig‘i deb ataydi.
Ukrainada maxsus operatsiya boshlanganidan keyin ko‘plab IT mutaxassislari Rossiyani tark etdi, asosan ular qo‘shni davlatlarga ketishdi.
Mart—aprel oylarida qaytish chiptalarisiz buyurtmalar eng ko‘p amalga oshirilgan davlatlar O‘zbekiston, Qozog‘iston, Turkiya, Isroil, Armaniston, Ozarbayjon va Birlashgan Arab Amirliklari bo‘lgan.
Turar joylarga bo‘lgan rekord talab O‘zbekiston, BAA va Qozog‘iston tomonidan ham, Armaniston, Ozarbayjonning yetakchi yo‘nalishlarida ham namoyon bo‘ldi. Asosan, bular havo aloqasi ochiq bo‘lgan vizasiz davlatlardir”, — deydi Lipatova.Avvalroq Rossiyaliklar O‘zbekistonda ko‘proq kompaniyalar ocha boshlagani haqida xabar berilgan edi.
Izoh (0)