2022 йилнинг март—апрель ойларида Россияни тарк этиб, қайтиш рейсларини сотиб олмасликка қарор қилган менежерлар улуши кескин ошди. Бу ҳақда «РБК» хабар берди.
Март ойида бир томонлама чипталар улуши 70 фоизга, апрелда 47 фоизга етди.
2019 йилда бундай чипталар буюртмаларнинг учдан бир қисмини ташкил этган.
Россияликлар кўчиш учун танлаган давлатлар орасида Ўзбекистон ҳам етакчилик қилади. Сўнгги ойларда Россия ва Беларусдан 5000-6000 га яқин одам кўчиб келди.
Ҳолатни 2019 йил билан таққослаш биз учун тўғри бўлиб туюлади, чунки бозор барқарор ҳолатда эди ва COVID-19 каби экстремал таъсирларга дучор бўлмаган, — деб тушунтиради "Аэроcлуб" вакили.Компания хулосалари 2019-2021 ва 2022 йилларнинг биринчи чораги ва апрель ойларида компания орқали ўтказилган 1 миллиондан ортиқ транзакциялар таҳлилига асосланган.
Транзакция деганда битта авиачипта ёки битта меҳмонхонани брон қилиш учун тўлов тушунилади.
«Аэроклуб» бошқарувчи директори Юлия Липатова бир томонлама чипталарга талабнинг ўсишини ходимларнинг бошқа жойга кўчирилишининг билвосита тасдиғи деб атайди.
Украинада махсус операция бошланганидан кейин кўплаб IТ мутахассис$/ЭХ$лари Россияни тарк этди, асосан улар қўшни давлатларга кетишди.
Март—апрель ойларида қайтиш чипталарисиз буюртмалар энг кўп амалга оширилган давлатлар Ўзбекистон, Қозоғистон, Туркия, Исроил, Арманистон, Озарбайжон ва Бирлашган Араб Амирликлари бўлган.
Турар жойларга бўлган рекорд талаб Ўзбекистон, БАА ва Қозоғистон томонидан ҳам, Арманистон, Озарбайжоннинг етакчи йўналишларида ҳам намоён бўлди. Асосан, булар ҳаво алоқаси очиқ бўлган визасиз давлатлардир», — дейди Липатова.Аввалроқ Россияликлар Ўзбекистонда кўпроқ компаниялар оча бошлагани ҳақида хабар берилган эди.
Изоҳ (0)