Davlat statistika qo‘mitasiga ko‘ra, 2022-yil yanvar—mart oylarida O‘zbekistondagi o‘rtacha oylik nominal hisoblangan ish haqi 3 426,8 ming so‘mni tashkil etib, (2021-yil yanvar—mart oylarida 2 876,4 ming so‘m bo‘lgan) 2021-yil mos davriga nisbatan o‘sish sur’ati 119,1 foizni tashkil qildi.
“Daryo” poytaxtliklarning kasbi va oylik daromadi borasida kichik so‘rovnoma o‘tkazdi.
So‘rovnoma ishtirokchilari orasida eng kam oylik daromadga ega bo‘lgani — hamshira ayol 900 ming so‘m bo‘lsa, eng ko‘p ish haqini hunarmand yigit oyiga 20 million so‘mgacha topadi.
Joriy yilning yanvar—mart oylarida iqtisodiy faoliyat turlari bo‘yicha o‘rtacha ish haqi miqdorlari ma’lum qilingan edi.
Iqtisodiy faoliyat turlari bo‘yicha o‘rtacha oylik ish haqining eng baland ko‘rsatkichi — bank, sug‘urta, lizing va kredit vositachilik sohalariga to‘g‘ri keladi (8,4 mln so‘m).
Axborot va aloqa sohasida o‘rtacha oylik ish haqi 6,5 mln so‘mga teng bo‘lgan bo‘lsa, tashish va saqlash sohasida bu qiymat 4,5 mln so‘mni tashkil etadi.
Sanoat sohasida o‘rtacha hisoblangan nominal ish haqi o‘tgan yilga nisbatan 800 mingga o‘sib, 4,4 mlnni tashkil qilmoqda.
Shuningdek, qurilish sohasida bu mablag‘ 4,1 mln so‘mga teng hisoblangan bo‘lsa, savdoda o‘rtacha hisoblangan ish haqi — 3,5 mln so‘m.
Sohalar bo‘yicha ta’lim va sog‘liqni saqlash tizimida eng kam o‘rtacha oylik ish haqi to‘lanadi.
2022-yilning I choragida ta’lim sohasi uchun o‘rtacha oylik ish haqi — 2,5 mln so‘m hisoblangan. Sog‘liqni saqlash va ijtimoiy xizmatlar ko‘rsatishda bu qiymat 2,3 mln so‘mga teng deb belgilangan.
“Daryo” yuqoridagilardan kelib chiqib, aholining kasbi va oylik daromadi bo‘yicha kichik so‘rovnoma o‘tkazdi.
Ma’lumot uchun, 2022-yil yanvar—mart oylarida iqtisodiy faoliyat turlari bo‘yicha o‘rtacha oylik ish haqining eng baland ko‘rsatkichi – bank, sug‘urta, lizing, kredit va vositachilik faoliyati sohasiga to‘g‘ri kelib, o‘tgan yilning mos davriga nisbatan o‘sish darajasi 131,2 foizni tashkil etdi.
Izoh (0)