Давлат статистика қўмитасига кўра, 2022 йил январь—март ойларида Ўзбекистондаги ўртача ойлик номинал ҳисобланган иш ҳақи 3 426,8 минг сўмни ташкил этиб, (2021 йил январь—март ойларида 2 876,4 минг сўм бўлган) 2021 йил мос даврига нисбатан ўсиш суръати 119,1 фоизни ташкил қилди.
«Дарё» пойтахтликларнинг касби ва ойлик даромади борасида кичик сўровнома ўтказди.
Сўровнома иштирокчилари орасида энг кам ойлик даромадга эга бўлгани — ҳамшира аёл 900 минг сўм бўлса, энг кўп иш ҳақини ҳунарманд йигит ойига 20 миллион сўмгача топади.
Жорий йилнинг январь—март ойларида иқтисодий фаолият турлари бўйича ўртача иш ҳақи миқдорлари маълум қилинган эди.
Иқтисодий фаолият турлари бўйича ўртача ойлик иш ҳақининг энг баланд кўрсаткичи — банк, суғурта, лизинг ва кредит воситачилик соҳаларига тўғри келади (8,4 млн сўм).
Ахборот ва алоқа соҳасида ўртача ойлик иш ҳақи 6,5 млн сўмга тенг бўлган бўлса, ташиш ва сақлаш соҳасида бу қиймат 4,5 млн сўмни ташкил этади.
Саноат соҳасида ўртача ҳисобланган номинал иш ҳақи ўтган йилга нисбатан 800 мингга ўсиб, 4,4 млнни ташкил қилмоқда.
Шунингдек, қурилиш соҳасида бу маблағ 4,1 млн сўмга тенг ҳисобланган бўлса, савдода ўртача ҳисобланган иш ҳақи — 3,5 млн сўм.
Соҳалар бўйича таълим ва соғлиқни сақлаш тизимида энг кам ўртача ойлик иш ҳақи тўланади.
2022 йилнинг I чорагида таълим соҳаси учун ўртача ойлик иш ҳақи — 2,5 млн сўм ҳисобланган. Соғлиқни сақлаш ва ижтимоий хизматлар кўрсатишда бу қиймат 2,3 млн сўмга тенг деб белгиланган.
«Дарё» юқоридагилардан келиб чиқиб, аҳолининг касби ва ойлик даромади бўйича кичик сўровнома ўтказди.
Маълумот учун, 2022 йил январь—март ойларида иқтисодий фаолият турлари бўйича ўртача ойлик иш ҳақининг энг баланд кўрсаткичи – банк, суғурта, лизинг, кредит ва воситачилик фаолияти соҳасига тўғри келиб, ўтган йилнинг мос даврига нисбатан ўсиш даражаси 131,2 фоизни ташкил этди.
Изоҳ (0)