2022-yildan boshlab fermer xo‘jaliklarini birjaga chiqarib, ishlashni o‘rgatish maqsadida 500 ming tonna g‘alla davlat tomonidan tekinga saqlab beriladi. Bu haqda 19-may kuni AOKAda bo‘lib o‘tgan matbuot anjumanida Qishloq xo‘jaligini davlat tomonidan qo‘llab-quvvatlash jamg‘armasi direktori Abdurashid Isroilov aytib o‘tdi, deb xabar bermoqda “Daryo” muxbiri.
Uning aytishicha, 2022-yilda ob-havo yaxshi kelgani hisobiga hamma o‘z imkoniyatidan kelib chiqib, o‘zining omborlarida g‘alla mahsulotlarini saqlaydi.
Lekin bu yil shunday tartib o‘rnatilyaptiki, fermer xo‘jaliklarini birjaga chiqarib, ishlashni o‘rgatish maqsadida 500 ming tonna g‘alla davlat tomonidan tekinga saqlab beriladi. Shuningdek, fermer xo‘jaligi dalasidan saqlab berish bo‘yicha agentimizning xirmoniga olib kirishda yo‘l kiralarigacha to‘lab beriladi. Bu degani, fermer xo‘jaliklari faqat daladan o‘rib bersa, davlat tomonidan xirmonda saqlab beriladi.“O‘zdonmahsulot” AK boshqaruv raisining birinchi o‘rinbosari Faxriddin Musayevning aytishicha, 2022-yil hosilidan yetishtiriladigan 2 550 ming tonnani 500 ming tonnasi g‘alla yetishtiruvchi fermerning klasterlari vaqtinchalik saqlash uchun don korxonalarida hozirgi kunda 4 million tonnalik yopiq sig‘imlaridan iborat.Saqlab berganda fermerning qo‘liga vaqtincha saqlab berish bo‘yicha dalolatnoma taqdim etiladi. Shu dalolatnomani ko‘rsatgan holda birjaga qo‘yib, o‘sha turgan omborning manzilini ko‘rsatib, o‘zining mahsulotini sotaveradi fermer xo‘jaligi. Bu bo‘yicha seminarlar Tovar-xomashyo birjasi tomonidan tashkillashtirilgan, hududlarda seminarlar bo‘lib o‘tyapti. Endi asosiy masala – saqlab berganimizdan keyin uni sotishda mahsulotni sotib olgan tadbirkor kelib o‘sha manzilda, o‘sha fermerning saqlash dalolatnomasini berib, ortib olib chiqib ketishi mumkin. Ortib berishigacha tekin, davlat tomonidan qoplab beriladi. Bularning barchasi hisob-kitob qilingan.
Qishloq xo‘jaligini davlat tomonidan qo‘llab-quvvatlash jamg‘armasi direktori Abdurashid Isroilov
Bundan 178 ta laboratoriya, 274 ta temiryo‘l va avtomobil tarozilari, 78 ta ag‘dargichlar, 110 ta don tozalash mashinalari mavjud.
Shuningdek, fermer, dehqon xo‘jaliklari va tomorqa yer egalari kengashi mas’ul xodimi Chorixon Qodirov turli tashkilotlar, hokimiyatlar tomonidan fermer va dehqonlarning bug‘doy mahsulotlarini majburiy olib qo‘yish holatlari haqida ham to‘xtalib o‘tdi.
“Fermer xo‘jaliklari tomonidan yetishtirilgan mahsulotni majburiy tarzda olib qo‘yishga yo‘l qo‘yiladigan taqdirda birinchi navbatda davlat organi hisoblanadigan – prokurorlik nazorati o‘rnatilgan. Biz ishonamizki, prokuratura organlari tomonidan prezidentning bu borada bergan topshirig‘i besamar ketmaydi. Bu sohada prokurorlik nazorati bilan bir vaqtning o‘zida Respublika fermer xo‘jaliklar va tomorqa yer egalari kengashlari jamoatchilik nazoratini birgalikda olib boramiz. O‘ylaymizki, biz hozirgi kunda bu masalada sobitqadam bo‘lib turibmiz. Biz jamoatchilik nazoratini ham o‘rnatamiz”, — deydi u.
Izoh (0)