Toshkentdagi 4 ta ko‘chaning ayrim qismlarida 22-may kuni harakat cheklanadi

Toshkentda 2022-yilning 22-may kuni Uzeksposenter va Intercontinental ko‘rgazmalar majmuasining hududida triatlon bo‘yicha O‘zbekiston ochiq chempionati bo‘lib o‘tadi. Bu haqda Toshkent shahar hokimligi ma’lum qildi.

Shu sababli, 22-may kuni soat 6:00 dan 13:00 gacha qadar bir necha yo‘nalishlardagi yo‘l qismlari yopiladi:

• Kichik halqa avtomobil yo‘li — Bo‘zsuv ko‘prigidan (mo‘ljal: “Minor” masjidi va Malika) Chingiz Aytmatov ko‘chasi bilan kesishmagacha.
• Sharof Rashidov shohko‘chasi — xalqaro biznes markazidan Osiyo ko‘chasi bilan kesishmagacha.

“Noqulayliklar uchun uzr so‘raymiz va haydovchilarga aylanma yo‘llardan foydalanishni tavsiya qilamiz”, – deya qo‘shimcha qilinadi hokimlik xabarida.

Bundan avval Toshkentda ta’mirlash ishlari sabab ayrim ko‘chalarda harakat vaqtincha cheklanishi haqida xabar berilgandi.