G‘allani sotib olishda monopoliya holatlari kuzatilsa, bir xaridor tomonidan xarid qilinadigan bug‘doyning maksimal hajmlari belgilab qo‘yilishi mumkin. Bu haqda 19-may kuni Iqtisodiy taraqqiyot va kambag‘allikni qisqartirish vazirligi boshqarma boshlig‘i Akrom Mo‘minov “Daryo” muxbiri bilan suhbatda aytib o‘tdi.
Uning aytishicha, biror kishi don mahsulotlarini juda ko‘p miqdorda sotib olib, uni monopoliya qilish ehtimollari ko‘rib chiqilgan.
Chunki birgina birjada bu spekulyativ holatlar deb ataladi. Ya’ni aytiladiki, bitta xaridor tomonidan hamma hajmdagi bug‘doy sotib olinadi-da, keyin narx o‘sishini kutib, o‘sgan vaqtida qayta sotib, foyda ko‘rish holati kuzatilishi mumkin. Bu holatlarni ham Monopoliyaga qarshi kurashish qo‘mitasi, Tovar-xomashyo birjasi bilan birgalikda aniq mexanizmlarini ishlab chiqqanmiz. Agar shunday holatlar kuzatiladigan bo‘lsa, bitta xaridor tomonidan xarid qilinadigan bug‘doyning maksimal hajmlarini belgilab qo‘yish mumkin. Yoki narxlar keskin oshib ketishi sharoitida qo‘shimcha birjaga chiqarish orqali narxlar barqarorligini bo‘yicha aniq choralar ko‘riladi. Ya’ni aytmoqchi bo‘lganim, bu yo‘nalish bo‘yicha bizda aniq mexanizmlar bor va bunday holatga yo‘l qo‘yilmaydi, — deydi u.Avvalroq Akrom Mo‘minov g‘alla erkinlashtirilishi narxlarning keskin oshishiga olib kelmasligi haqida aytgan edi.
Mavzuga doir:
- “Narx-navo barqarorligini ta’minlashning yagona to‘g‘ri yo‘li — bu fermerlar manfaatdorligini ta’minlash” — Shavkat Mirziyoyev
- Shavkat Mirziyoyev raisligida o‘tayotgan yig‘ilishda davlat don korxonalarida talon-toroj qilish holatlari borligi tanqid qilindi
- O‘zbekistonda 1-iyundan boshlab g‘allani davlat tomonidan sotib olish va sotishda bozor narxlariga o‘tiladi
Izoh (0)