Acer’нинг янги маҳсулотлари — бу АҚШ ҳарбий стандартларига мувофиқ мустаҳкамлик, сифатли рангларни узатиш учун OLED дисплейлари ва севимли ўйинларингизни 3D форматга ўтказиш.
18 май куни Acer’нинг йиллик глобал матбуот анжумани бўлиб ўтди. Компания профессионал, геймерлик (ўйинлар учун) ва экологик тоза линияларда янгиланишларни тақдим этди. 2022 йилнинг янги маҳсулотлари 12-авлод Intel Core процессорлари билан жиҳозланган.
Acer бизнес ноутбуклари: ҳар қандай шароитларда ишлаш учун
TravelMate линияси ноутбуклари АҚШ ҳарбий стандарти талабларига мувофиқ қўшимча хавфсизлик захирасига эга бўлди. Ушбу серия турли жойларда, жумладан, уйда, офисда, йўлда ишлашга одатланган инсонлар учун яратилган. Ноутбук тушиб кетса ҳам, юқори намлик шароитида ҳам, устига суюқлик тўкилса ҳам ва аэропортдаги текширув жараёнидаги турли эҳтиётсизликлар туфайли ҳам ишдан чиқиб қолмайди.
Acer бизнес ноутбуклари юқори сифатли видео конференсалоқа ва тиниқ овози билан ажралиб туради. Шундай қилиб, TravelMate P4 ва TravelMate P4 Spin моделлари сунъий интеллектга асосланган шовқинни бостирувчи микрофонлар, ҳар бирида 4 тадан динамиклар ва кенг ҳажмли, кўп каналли овозни таъминловчи DTS аудио тизимлари билан жиҳозланди.
Маълумотларни ҳимоя қилиш ҳам юқори бизнес даражага эга: Microsoft Secured-core PC концепцияси TravelMate ноутбукларини «прошивка» ва ядро даражасидаги бузиб киришлардан ҳимоя қилади. Дастлаб ушбу стандарт хакерлик ҳужумларига мойил бўлган тармоқлар (молия, соғлиқни сақлаш) ва давлат ташкилотлари учун мўлжалланган эди.
Ижод ва креатив соҳалари вакиллари учун янги Acer Swift 3
Енгил ва юпқа Acer Swift 3 фрилансерлар, талабалар ва ижодий соҳа ходимларининг талабларига жавоб беради. OLED дисплей бошқа матрицаларда эришиб бўлмайдиган рангларни мукаммал узатиш ва юқори контрастни талаб қиладиган вазифаларни ҳал қилиш имконини беради. 17,9 мм қалинликка эга моделнинг оғирлиги бор-йўғи 1,4 кг ва 10 соат автоном шаклда ишлайди.
Бундан ташқари, Acer Swift 3 Intel Evo томонидан верификациядан ўтган, демакки у фотосуратларни юқори тезликда қайта ишлаш ва видеоларни рендерлаш, ресурс сиғимли иловалар ва мураккаб графикали ўйинларни қўллаб-қувватлаш, оптимал қувват сарфи, тезкор ёзиб олиш ва маълумотларни ўқиш билан ажралиб туради. Камера кам ёруғликда ҳам юқори сифатли тасвирларни тақдим этади, шовқинни бостириш «ақлли функция»си эса фойдаланувчи овози аниқ ва баланд жаранглашини таъминлайди.
Predator Helios 300 SpatialLabs Edition: кўзойнакларсиз 3D-ўйинлар
Predator Helios 300 SpatialLabs Edition геймерлик ноутбуки 50 дан ортиқ машҳур ўйинлар учун ҳажмли тасвирларни тақдим этади. Кўзни кузатиш технологияси ва реал вақт режимида рендерлаш туфайли у ўйинчини 3D дунёсига олиб боради. Жойлар том маънода жонланади: хоналар кенгаяди, объектлар кўп қатламли, саргузаштлар эса янада қизиқарли бўлади.
Ноутбук дисплейи устки қисми суюқ кристалл линзали панелдан иборат. Ушбу инновацион модуль геймерга 2D ва 3D режимлари ўртасида алмашиниш имконини беради.
Контент яратувчилар учун Acer SpatialLabs Go технологиясини таклиф этади, у битта тугмани босиш орқали 2D’ни 3D’га ўзгартира олади. Фойдаланувчи ҳатто ўзининг фотосуратлари ва видеоларидан ҳам уч ўлчамли моделларни яратиши мумкин.
ConceptD 5 ноутбукларида ҳатто йўлда ҳам ресурс сиғимли иловалар билан ишлаш мумкин
ConceptD 5 кучли ноутбуклар қатори контент яратувчилар учун мўлжалланган. Портатив бўлишига қарамай, бу моделлар мураккаб CAD моделларини яратиш, илғор рақамли контент ва 3D анимация яратиш, 6К имкониятли видеони кўрсатиш ва стримингда ажойиб тасвир сифатини тақдим этишга қодир.
Юпқа ва енгил ConceptD 5 сериясидаги энг кучли батареяга эга. Бир марта қувватлантириш 11 соатлик «интернет уммони»га шўнғиш, видеоларни стриминглаш ва қўйиш учун етарли. Пикселли OLED дисплей чуқурроқ қора ва ёрқинроқ оқ ранглар билан ранг узатиш аниқлигини таъминлайди.
Серияли ноутбуклар контент яратувчилар учун муҳим портлар билан жиҳозланган. HDMI 2.1 ва SD 7.0 картридерлари периферик қурилмаларга уланишни осонлаштиради, янги Thunderbolt™ 4 ва USB Type-C улагичлари эса файлларни тезроқ узатади ва гаджетларни қувватлантиради.
Яна қандай қизиқ жиҳатлари бор?
1. Экология ҳақида қайғурадиганлар учун: Acer Vero атроф-муҳитга салбий таъсир кўрсатишни камайтиришга ёрдам беради.
2. Геймерлар ва контент яратувчилар учун: SpatialLabs View дисплейлари 2D контентни 3D’га айлантиради.
3. Дизайн студиялари ва контент яратувчилар учун: ConceptD SHK қуввати оширилди.
Батафсил: Acer глобал матбуот анжуманида
Реклама ҳуқуқи асосида.
Изоҳ (0)